Transcription
1
Monseigneur, avant arsoir, monsieur de la Veypière, banquier de
2
Lyon, menvoya ung paquet quil dresse à monsieur Draqui
3
et mescrit le luy bailyer lors quil syera venu de Rome et
4
que se sont des lettres que vous escrivés audit sieur Draqui
5
quil pence sera bien tost yci et voyant quil masseure
6
que ledit Draqui doibt estre bien tost de retour, jestoys
7
en pencement sci le vous debvoys renvoyer ou atandre
8
la venue dudit sieur Draqui ; de quoy vous ay bien voullu
9
advertir pour en fère ce quil vous plarra me commander.
10
Monseigneur, a bien que monsieur Froment ou Barjot ayent
11
prins des deniers en peys pour payer la compaignie que vous
12
at pleu ordonner à Sainct André à IX c l.ts à moys pour les moys
13
doctobre, novembre , decembre, janvier et febvvrier, sens
14
toutes foys leur en avoir voullu payer que pour janvier et
15
febvrier, combien que par bonne atestatoire des consulz et
16
notaire dudit lieu yl apert que ladite compaignie y ont
17
entierement payé leurs vivres dudit moys de decembre,
18
que monsieur Faure at entre ses mains avec ung acquit
19
que je luy ay faict de cent escus sol., quil at mys entre
20
les mains du sieur Thomasset, lesquelz lon leur avoit
21
forni du mien pour la despence dudit moys de decembre,
22
laquelle monsieur lavocat Bouffin vous monstra à Vallence,
23
qui est la cause que jay prins lardièce vous importuner
24
encore se coup faire commander audit Froment faire payer
25
à mondit Faure ledit moys de decembre ou bien ses povres gentz
26
sont à ung desespoir, ne sachant plus que faire, ayant soufert
27
tant de maulx et misères quilz ne sen verront jamays
28
[273 v°]le leurs, mays cest ung mal sci commun que presque tous nen peuvent
29
plus. Ledit sieur Faure mat dy quil ne payera ledit moys de Xbre [décembre]
30
que ledit sieur Froment ne luy en escrive ou par votre commandement.
31
Monseigneur, après avoir presenté mes très humbles recommandations à votre bonne
32
grace, supplierey le Createur vous donner en très bonne santé
33
très longue et heureuse vie. De Grenoble, ce 18 febvrier 1574.
34
Votre très humble et très houbeissant
35
serviteur A. dayguebelle.